Манчестер сити може да добие засилување од 80 милиони евра од Барселона!

Каталонскиот гигант Барселона би можел ова лето да биде доста активен на трансфер-пазарот, по најновите информации дека Манчестер Сити планира да понуди дури 80 милиони евра за еден од нивните истакнати играчи.

Во Барселона се надеваат дека конечно ќе го решат прашањето со финансискиот фер-плеј, што би им отворило врата за безгрижно доведување на нови засилувања без потреба од големи промени во составот на тимот.

Ова би значело дека клубот може да регистрира нови играчи без да ги продава своите ѕвезди, но сепак се шушка дека некои од првотимците би можеле да бидат продадени за да се соберат средства за долгоочекуваното засилување во нападот, со Јулијан Алварез како прва цел.

Атлетико Мадрид нема намера да го пушти Аргентинецот под цена од 100 милиони евра, поради што Барселона треба да пронајде начин да го обезбеди потребниот капитал за трансферот.

Во клубот посериозно размислуваат за продажба на Дани Олмо, бидејќи Пеп Гвардиола сериозно е заинтересиран овој играч да го види во дресот на Манчестер Сити.

Според информациите, Сити е подготвен да плати 80 милиони евра за Олмо, а Барселона сериозно разгледува да го прифати деловниот предлог.

🚨🚨| Manchester City want to sign Dani Olmo this summer and are ready to offer €80M to FC Barcelona for him. Pep Guardiola wants him in his squad.

Man City will play Chelsea in the Premier League tonight.

[@TEAMtalk] https://t.co/gK4HGQpoLK pic.twitter.com/zwkJSTdEQH

— Managing Barça (@ManagingBarca) April 12, 2026

Овие средства би биле од огромно значење за Барселона во летниот трансфер период, особено откако Ханси Флик му даде поддршка на овој потег.

Флик е уверен дека може да го замени шпанскиот репрезентативец со играчи кои веќе се дел од тимот и дека заминувањето на Олмо нема значително да влијае на нивната игра.

Главната мисија е да се надминат проблемите со нападот, бидејќи Роберт Левандовски и Феран Торес оваа сезона не ги исполнија очекувањата.

Без разлика на што ќе се случи, се чини дека Манчестер Сити е подготвен да испрати понуда за Олмо, а не би било чудно ако овој фудбалер заврши на Етихад по Светското првенство.