Репрезентативната пауза очигледно не му донесе ништо добро на Арсенал, кој денес се соочи со вториот голем пораз во Англија во рок од само една седмица.
Пред само седум дена, Топчиите беа елиминирани од ФА Купот од страна на понизок ранг тим Сандерленд, додека денес на домашен терен загубија од Борнмут во 32. коло на Премиер лигата.
Исхрана, повреди и тренинг – совети од доктор по спортска медицина | Уште еден поткаст
Борнмут обезбеди важна победа на „Емирати“ со резултат 2:1, давајќи можност на Манчестер Сити да му се приближи на водечкиот Арсенал на само шест бодови разлика, доколку утре успее да го совлада Челси. Сити би имал и еден натпревар помалку, со што борбата за титулата во Англија би останала отворена до самиот крај.
Борнмут поведе мечот во 17. минута со гол на Крупи, Арсенал израмни благодарение на пеналот изведен од Ѓокереш во 35. минута, а конечната победа за Борнмут ја обезбеди Скот во 74. минута по одлична акција.
Учество во игри на среќа е дозволено за лица со 18+ години. Играј одговорно!