Одлични вести за Ливерпул: Се враќа најскапото засилување во историјата на клубот

Ливерпул објави дека Мохамед Салах од наредната сезона нема да биде дел од тимот на „Црвените“, но ќе добие помош од следната недела од Александер Исак.

Шведскиот напаѓач претрпе тешка повреда и скршеница на ногата против Тотенхем во декември минатата година, откако постигна гол. Токму таа повреда го одвои најскапото засилување на Ливерпул во историјата четири месеци, но неговото враќање се приближува.

Тоа го потврди и Арне Слот, тренерот на Ливерпул, на прес конференција:

– Мислам дека Алекс е во многу добра позиција бидејќи Шведска се квалификуваше за Светското првенство и, покрај тоа, ќе тренира со екипата повторно за прв пат утре – рече Слот.

Исак е рекорден трансфер во историјата на Ливерпул. Платен е на Њукасл дури 145.000.000 евра, но од неговото доаѓање не можеше да го најде вистинскиот ритам. Постигна само два гола на десет натпревари во Премиер лигата.