На Кансело му доаѓа крајот во Барселона и веќе се нуди на нов клуб

Жоао Кансело зимава пристигна како неочекувано засилување за Барселона, но иако игра доста добро, малку се шансите да остане на „Камп ноу”.

Причините се многубројни, но главно од финансиска природа, бидејќи Ал Хилал нема да дозволи еднострано раскинување на договорот, додека Барселона не е подготвена да потроши пари за неговиот трансфер.

По победата на Португалија над САД, Кансело зборуваше за медиумите и тогаш ги отвори вратите за враќање во Бенфика.

„Веќе заработив повеќе од што некогаш можев да замислам, а освоив бројни трофеи. Сепак, играњето за Бенфика е како играњето кошарка – тоа се прави од љубов. Подготвен сум да прифатам и намалување на платата за да можам повторно да играм за тој клуб“, рече Кансело.

Се знае дека Кансело беше подготвен да игра и за значително помала плата во Барселона, но проблем може да биде спомнатиот трансфер.

Чекаме разврска, знаеме дека сигурно нема да биде во плановите на Симоне Инзаги и дека Ал Хилал ќе се обиде да извлече нешто пари.