Манчестер Сити ќе ја зајакне средната линија со две имиња од Премиер лигата

Манчестер Сити се подготвува за сериозно обновување на средната линија, додека Пеп Гвардиола бара замени за играчи кои се очекува да заминат. Според информациите, Сандро Тонали и Елиот Андерсон се главните цели, со вкупната вредност на двојниот трансфер која може да достигне 190 милиони фунти, или околу 220 милиони евра.

Според „TEAMtalk“, спортскиот директор на „граѓаните“, Уго Виана, го води планирањето за драстичната трансформација на играта во средината на теренот. Со повеќе играчи кои се блиску до заминување летово, Сити ги посочиле Тонали од Њукасл и Андерсон од Нотингем како идеални решенија.

Италијанскиот репрезентативец е оценет на 100 милиони фунти, сума која практично го исклучува неговото враќање во Серија А и го отвора патот за Сити.

Големината на овие трансфери произлегува од неизвесната иднина на важни играчи. Родри се смета дека е цел на Реал Мадрид, додека се очекува и Силва да замине.