Главниот тренер на францускиот фудбалски тим, Дидие Дешамп, испрати сериозно предупредување кон ФИФА поради воведувањето на задолжителни паузи за освежување, веднаш по победата на неговата селекција во пријателски натпревар против Бразил во САД. Иако испишаа победа, Дешамп беше фрустриран од честите прекини кои, според него, го нарушуваат текот и ритамот на натпреварот, пренесува Goal.com.
Франција уште еднаш ја потврди својата репутација на една од најсилните светски екипи, постигнувајќи победа од 2:1 против Бразил на стадионот во Масачусетс. Европските великани покажаа извонредна тактичка дисциплина, славејќи и покрај тоа што играа со еден играч помалку по исклучувањето на Дајота Упамекано.
Исхрана, повреди и тренинг – совети од доктор по спортска медицина | Уште еден поткаст
Водството на Франција го донесе Килијан Мбапе, а Хуго Екитике ја зголеми предноста. Иако Желсон Бремер успеа да го намали резултатот, тимот на Карло Анчелоти покажа недостиг на идеи и не успеа да ја искористи бројната предност, додека цврстата француска одбрана ги неутрализира Винисиус Жуниор и Рафиња.
И покрај задоволството од исходот, Дешамп беше огорчен поради пробното воведување на задолжителни паузи за освежување. Прекините за земање течност, кои се воведуваат по 22 минути игра во секое полувреме, според него, го нарушуваат натпреварувачкиот интегритет бидејќи им помагаат на екипите кои се под притисок.
“На вас, телевизиите, ова ви одговара поради рекламите, но овие три минути ја менуваат играта… Не е важно за кој тим станува збор, ако е во добра серија, трите минути можат сè да уништат”, кажа Дешамп. “Тоа може да помогне ако не играте добро, но е штетно ако сте близу да го скршите противникот. Ние играме четири четвртини, а отсекогаш постоело само полувреме”, додаде тој.
Учество во игри на среќа е дозволено за лица со 18+ години. Играј одговорно!