ФФМ не по поразот не ја заборави „Фалангата“!

Раководството на Фудбалска федерација на Македонија упати јавна благодарност до македонските навивачи кои во голем број отпатуваа во Копенхаген и од трибините дадоа силна поддршка на националниот тим во дуелот со Данска.

Од „Куќата на фудбалот“ не ја изоставија ниту домашната јавност, потенцирајќи дека изминативе денови целата земја беше обединета околу репрезентацијата и надежта за историски успех – пласман на Светско првенство.

Сепак, сонот за Мундијалот заврши уште во полуфиналето од баражот, откако Данците ја потврдија фаворитската улога и славеа убедливо со 4-0.

„Голема благодарност до сите навивачи на македонската репрезентација. Вашата поддршка е дополнителен мотив да продолжиме да растеме и да бидеме уште посилни“, порачаа од ФФМ.

И покрај разочарувањето, избраниците на селекторот ќе одиграат уште еден натпревар – гостување кај Република Ирска во Даблин, дуел кој има ревијален карактер и нема натпреварувачко значење.