Јувентус почна преговори со ѕвездата на Реал: Откриени сите детали – на маса е тригодишен договор

Фудбалскиот клуб Јувентус преговара со одбранбениот играч на Реал Мадрид Антонио Ридигер, кому во јуни му истекува договорот со шпанскиот клуб.

Како што денес објави „Тутоспорт“, управата на Јувентус веќе ги започна преговорите со германскиот фудбалер, кој на лето ќе биде слободен играч откако договорот со Реал ќе му истече на крајот на јуни.

Тренерот на црно-белите, Лучано Спалети го почитува Ридигер и повторно го посакува во тимот, откако соработуваа во Рома од 2015 до 2017 година.

Јувентус би го довел Ридигер за тригодишен договор вреден од пет до шест милиони евра по сезона.