НАПАЃАЧОТ на Баерн, Хари Кејн, постигна два гола во уверливата победа од 4:1 против Аталанта. Со ова, Баварците обезбедија влез во четвртфиналето од Лига на шампиони со вкупни 10:2, а англискиот голгетер со своите постигнувања влезе во историјата на ова престижно натпреварување.
Тој стана првиот англиски фудбалер кој стигнал до 50 гола во Лига на шампиони. Тоа го постигна во само 66 натпревари, што го прави трет најбрз играч во историјата на ова натпреварување. Со ова се изедначи со Лионел Меси, кој исто така постигна 50 гола во 66 натпревари додека беше дел од европските клубови. Пред нив на листата се наоѓаат само Руд ван Нистелрој, кој постигна 50 голови во 62 натпревари, и апсолутниот рекордер Ерлинг Халанд, кој тоа го направи во само 49 натпревари.
50 – Bayern Munich striker Harry Kane has now scored 50 goals in 66 UEFA Champions League appearances – only Erling Haaland (49) and Ruud van Nistelrooy (62) have ever reached 50 goals in fewer games. Landmark. pic.twitter.com/QavHxDuwMK
— OptaJoe (@OptaJoe) March 18, 2026
Street Workout Macedonia – Движење што гради сила, карактер и издржливост | Уште еден поткаст
На тој начин, Кејн се приклучи на исклучителната група на најдобрите стрелци во Лига на шампиони. На врвот на вечната листа е Кристијано Роналдо со 140 гола, следен од Лионел Меси со 129 и Роберт Левандовски со неговите 109 голови кои го комплетираат “клубот 100”.
Пред Кејн се наоѓаат и Карим Бензема (90), Раул (71), Килијан Мбапе (68), Ерлинг Халанд (57), Томас Милер (57) и Руд ван Нистелрој (56). Англискиот напаѓач со 50 постигнати погодоци го дели десеттото место со Тјери Анри.
Учество во игри на среќа е дозволено за лица со 18+ години. Играј одговорно!