Рудигер за ударот со колено: Зборува како да го убив, ако сакав да го повредам немаше да стане…

Во пресрет на вечерашниот реванш на Етихад помеѓу Манчестер Сити и Реал Мадрид, дефанзивецот на кралевите Антонио Рудигер се обрати на новинарите.

Во еден момент беше запрашан да го коментира својот фаул при поразот на домашен терен од Хетафе.

Да потсетиме, Рудигер во една ситуација со колено го удри Диего Рико, кој веќе беше на земја, а за овој силен старт не доби дури ни жолт картон, што предизвика револт во спортската јавност во Шпанија.

Германскиот дефанзивец сега имаше можност да одговори на обвиненијата и се обиде да ја смири ситуацијата.

“Кога ќе го погледнете моментот во забавена снимка, да – изгледа грубо. Тоа нема како да го негирам. Но, не го убив, иако тој зборува како да сум го сторил тоа. Не треба да се претерува. Ако имав намера да го повредам, нема да станеше после тоа”, објасни тој.

LA LIGA MÁS PODRIDA DEL MUNDO‼️

Pizarro Gómez PREMIADO después de no intervenir en la agresión de Rudiger a Diego Rico, el árbitro madrileño estará en el VAR del Athletic – Barça, recompensado y animado a perjudicar a los culés en San Mamés. SINVERGÜENZASpic.twitter.com/YvZmJghDlW https://t.co/VEEEl80vzq

— Zona Blaugrana (@Zona_Blaugrana) March 6, 2026

Дополнително, нагласи дека немал лоша намера во таа прилика.

“Видовте како трчаше потоа, а јас останав во игра. Тоа значи дека не беше за црвен картон. Не сакав да го повредам. Секогаш се борам и давам максимум. Неговите изјави се претерани”, рече Рудигер.