Ѕвезда на Манчестер Сити во проблеми: Соседот го пријави во полиција и откри зошто (Фото)

Фудбалерот на Манчестер Сити, Родри, се најде во центарот на вниманието на јавноста во Англија откако се појави информација дека комшиите го пријавиле во полиција, а сега е познато и зошто.

Родри ја пропушти речиси целата мината сезона поради повреда и тоа откако беше прогласен за најдобар играч во светот, и ја освои Златната топка.

Оваа сезона, шпанскиот играч од средината успеа да се врати на сцената, но јасно е дека сè уште не ја достигнал формата во која беше пред сериозната повреда на коленото.

Додека се обидува на теренот да ја пронајде старата форма, Родри беше зафатен со проблеми и во приватниот живот.

Англиските медиуми од вчера пишуваат дека Родри има проблеми со законот и дека е пријавен во полицијата во Манчестер.

„Сан“ објави дека Родриевите комшии решиле да го пријават ѕвездата на Манчестер Сити, а еден од нив јавно објасни зошто го направиле тоа.

Родри е пријавен дека ја нарушува приватноста на своите комшии затоа што без дозвола користи дрон за снимање околу зградата каде живее.

„Живеам со сопругата на последниот кат од зградата и последно што очекувате додека гледате ТВ е дрон еден метар до вашиот прозорец”, рече еден од комшиите на Родри и додаде.

„Мојата сопруга е многу лута поради тоа. Една од предностите кога живеете на последниот кат е што другите не можат да ве гледаат и следат секој ваш потег, но таа приватност сега е нарушена од страна на Родри и неговиот дрон”.

🚨 𝗕𝗥𝗘АКИНГ: Комшиите на Родри го пријавиле во полиција затоа што лета со дрон пред прозорците од нивните станови.

Тие тврдат дека дронот им ја нарушил приватноста и ги навел да се плашат дека могли да видат во нивните имоти додека тие се релаксираат дома.… pic.twitter.com/wuXotL22g7

— The Touchline | 𝐓 (@TouchlineX) 9 март, 2026