Хит во Германија: Навивачи украдоа кабли, судијата не можеше да гледа ВАР (Видео)

Двајца маскирани хулигани украле ВАР кабли за време на натпреварот од 2. Бундеслига во Германија помеѓу екипите на Мунстер и Херта (1:2).

ВАР системот, иако предизвикува нервирање кај многу фудбалски навивачи, донесе знатно намалување на судиските грешки. Но, сцената што вчера ја гледавме во Германија, навистина беше нешто невообичаено.

Навивачите на Мунстер приредија неверојатна случка. Тие предизвикаа технички проблем со тоа што ги украдоа каблите поврзани со ВАР системот, така што судијата не можеше да ја прегледа спорната ситуација.

Судијата тргна кон ВАР мониторот за да ја разгледа можната пенал ситуација за гостинскиот тим Херта, но маскирани хулигани од домашната екипа ги украдоа каблите, отежнувајќи му го прегледот на сцената.

🚨💣 THE CRAZIEST INCIDENT OF 2026 💀🤣

In the German Second Division, two Münster fans stormed the pitch during their home match against Hertha Berlin and literally stole the VAR cable — causing the giant screen to go completely black! 😳

The referee was heading over to review… pic.twitter.com/X4Rk1CVPit

— Topskills Sports UK (@topskillsportuk) March 8, 2026

Сепак, украдените кабли не ја спасијаа домашната екипа. Во таква ситуација, судијата се потпре на видео снимките од ВАР собата, каде што судиите проценија дека има пенал. Ударот од единаесет метри беше досуден, и на тој начин Херта го постигна првиот гол.