Јокиќ синоќа го доживеа најголемо понижување од кога игра во НБА лигата (Фото)

Српскиот кошаркар Никола Јокиќ одигра синоќа уште една одлична партија, но понижувањето што го доживеа со Денвер Нагетс (103-142) во дуелот против Њујорк Никси сигурно ќе го памти долго време.

Денвер пред своите навивачи ги пречека екипата на Никси и се очекуваше Нагетсите да продолжат со победите, но никој не ни сфати каква катастрофа им се заканува.

Никола Јокиќ после повредата полека се враќа во вистинска форма, бидејќи и синоќа одигра одличен натпревар, но недостасуваше поддршка од неговите соиграчи кои беа целосно незабележителни.

Сепак, и покрај сè, малку кој очекуваше дека Денвер ќе доживее токму таков дебакл на својот терен и пораз од речиси 40 поени разлика.

Сепак, најефикасниот на натпреварот беше Јокиќ кој за 31 минута на паркетот постигна дури 38 поени, додаде осум скокови и пет асистенции, но Србинот беше единствениот на ниво во својата екипа.

Nikola Jokic tonight:

38 Points
8 Rebounds
5 Assists
2 Steals
14/21 FGM
31 Minutes pic.twitter.com/6dQtHqSL0H

— Hoop Central (@TheHoopCentral) March 7, 2026