Кога Реал Мадрид ќе помисли дека конечно му тргнало, лоша вест го враќа „на земја“

Реал Мадрид вечерва игра на домашен терен против Хетафе во натпреварот од 26. коло на шпанската Ла Лига, а за навивачите на кралскиот клуб пристигнаа нови лоши вести токму во моментот кога се чини дека кралевите конечно влегуваат во форма.

Алваро Арбелоа се обидува да извлече максимум од екипата на Реал Мадрид и да докаже дека заслужува тренерско место, но токму кога се чини дека кралевите влегуваат во форма, стигнуваат лоши вести.

Арбелоа се мачи со повредени играчи претходните недели, а голем удар пристигна минатата недела кога се повреди Килијан Мбапе.

Поради тоа, младиот стратег е принуден да експериментира со почетниот состав и дава шанса на играчи од младинската школа.

Во Реал се надеваа дека тоа наскоро ќе биде зад нив бидејќи беше најавено дека Џуд Белингам конечно ќе се врати на терените, но пристигна нов студен туш.

Шпанските медиуми објавија дека закрепнувањето на репрезентативецот на Англија не оди според планот и дека Белингам веројатно ќе остане надвор од терените подолго отколку што се очекуваше.

Угледната Марка објави дека враќањето на Белингам на терен е одложено бидејќи се испоставило дека повредата не е решена и дека Арбелоа ќе биде без Англичанецот барем уште еден месец.