Бура во Барселона: Лапорта обвинет за перење пари, клубот се огласи

Претседателот на Барселона Жоан Лапорта реагираше на кривичната пријава поднесена против него од еден член на клубот пред Националниот суд, каде што поранешниот лидер е обвинет за наводно перење пари и незаконско наплатување провизии.

Лапорта во интервју за „Радио Каталонија“ ги отфрли сите обвиненија, нарекувајќи ги обид за дискредитација пред изборите за претседател на клубот.

“Сè е апсолутно невистинито. Ова е правосудна и медиумска стратегија со цел да се наштети на моите интереси и на она што го претставувам на изборите”, порача Лапорта.

Според наводите на пријавата, за кои прв известил весникот “Ел Периодико”, наводно постоела мрежа на компании со седишта во Шпанија, Кипар, Дубаи, Хрватска и Естонија, преку кои, како што се тврди, биле исплаќани незаконски провизии во рамките на повеќе зделки реализирани за време на мандатот на Лапорта.