МИЛАН КУПЕН ОД ПРЕВАРАНТ? Семејството му било в затвор, а во Кина никој не чул за Јонг Ли!

Милан ова лето доби нови, кинески сопственици и потроши голема сума за засилувања. Меѓутоа, „росонерите“ имаат очајни резултати и заостануваат 11 бода од местото кое води во Лигата на шампиони.

„Њујорк Тајм“ објави сторија за новиот газда на Милан, Јонг Ли и потврди дека членови на неговото семејство биле во затвор поради измама, но и дека призните за рудниците кои ги поседува се фантомски, односно дека нема таков бизнис.

Угледниот американски весник тврди дека никој од кинеските бизнисмени нема случнато за „Јонг Ли“, ниту со што се занимава неговата компанија.

Се уште не е јасно ни како успеал да позајми огромна сума на пари од престижен фонд како што е „Eliot“, иако овој инвестициски фонд е познат по тоа што соработува само со солидни компании.

„Марка“ денес пишуав дека УЕФА не верува во бизнис планот на Милан и дека можно е „росонерите“ да бидат исфрлени од европските натпреварувања (види ОВДЕ).

Како што пренесува угледниот шпански весник единствен спас за тимот од „Сан Сиро“ е да се квалификува следната сезона во Лигата на шампиони и така да ја среди лошата финансиска ситуација.

Ваквите тврдења ги демантираше генералниот директор Марко Фасоне кој изјави дека Милан има огромен комерцијален потенцијал и дека нема да има никакви драматични последици доколку клубот не се пласира во ЛШ следната сезона.