Зидан се огласи: Знам што е проблемот со Бензема

Фудбалерите на Реал Мадрид отпатуваа денес на Кипар каде утре ќе се сретнат со АПОЕЛ во мечот од групната фаза во ЛШ.

Кралскиот клуб не нуди партии кои се очекуваат од овој клуб и сега е јасно дека екипата на Зинедин Зидан се наоѓа во мала криза. Посебно тоа се однесува на нападот на Реал Мадрид, односно Карим Бензема и Кристијано Роналдо кои постигнаа три погодоци во досегашниот дел од сезоната.

Бензема успеа само на два пати да ја затресе противничката мрежа во толку колку што одигра оваа сезона. Зидан знае дека францускиот напаѓач може повеќе, па е сигурен дека е само прашање на време кога Бензема ќе се врати во голгетерска форма.

„На напаѓачите им требаат голови за дополнителна самодоверба, но тој игра добро и екипата исто така. Кога ќе постигне еден гол, таа криза ќе исчезне, се надевам дека тоа ќе се случи утре. Тој е свесен дека може многу повеќе да понуди, но проблемот му е самодовербата, посебно кога не наоѓа шанса за гол“, истакна Зидан.