Арбелоа испрати порака која ќе го „стресе“ Мадрид, а го спомена и Мурињо

Реал Мадрид вечерва од 21:00 часот игра против Бенфика во натпревар кој носи огромен влог. Алваро Арбелоа зборуваше за Килијан Мбапе и заканата што ја претставува Жозе Мурињо. Порача дека мотивот не е одмазда, туку нешто многу поголемо.

Тренерот на Реал Мадрид, Алваро Арбелоа, одржа прес-конференција пред вечерашниот дуел против Бенфика.

Натпреварот започнува од 21:00 часот, а е јасно дека „Кралевите” ги очекува исклучително тежок предизвик.

Арбелоа не сакаше да потврди дали Килијан Мбапе ќе биде во стартниот состав.

Сепак, нагласи дека размислува исклучиво за победа, иако е свесен дека Бенфика нема да биде лесен противник. Особено затоа што тимот го води Жозе Мурињо:

„Знаеме какви се очекувањата пред нас. Целта е да победиме. Нашиот пристап е да играме навистина добар фудбал. Мора да знаеме што да правиме во секоја минута. Секогаш размислуваме за победа. Целта е да ја освоиме Лигата на шампионите, но нема никаква одмазда кон Бенфика”, порача тренерот.