Златан Ибрахимовиќ во Белград лично ќе заврши сензационален трансфер: Во игра е ‘огромна сума’

Златан Ибрахимовиќ ќе дојде во Белград по младиот напаѓач на Партизан Андреј Костиќ. Договорот помеѓу црно-белите и AC Милан треба да се заврши на конечната сума од осум милиони евра.

Андреј Костиќ треба да стане нов играч на AC Милан. Росонерите со сите сили го посакуваат 18-годишниот црногорски напаѓач, но не успеаја да го завршат трансферот во текот на зимата.

Сепак, не се откажаа. Златан Ибрахимовиќ одлучи лично во Белград да го заврши трансферот.

Ибрахимовиќ е тој што инсистира на трансферот на Андреј Костиќ. Тој е воодушевен од можностите на младиот фудбалер и смета дека би можел да стане голема ѕвезда во иднина.

Иако не беше стандарден во првата постава, Костиќ успеа да постигне девет голови оваа сезона. Има и една асистенција во 29 настапи.

Веќе има договорени услови со Милан. Потребно е уште клубовите да се договорат околу трансферот, но тоа не треба да претставува проблем во наредниот период.

Закажани се нови преговори. Сега сè води Златан и од Белград нема да си замине без завршен трансфер.