Манчестер Сити испушти предност од два гола и одигра само 2:2 на гостувањето кај Тотенхем, а тренерот Пеп Гвардиола го обвини судењето за колапсот на неговиот тим. Со ремито во северен Лондон, Сити има само една победа во последните шест натпревари и сега заостанува шест бода зад водечкиот Арсенал, 14 кола пред крајот на сезоната, пишува Daily Mail.
Гвардиола смета дека Сити повторно е оштетен поради неконзистентно судење, а особено го налути првиот гол на Тотенхем кој го постигна Доминик Соланке. Тој смета дека на голот му претходел фаул врз неговиот одбранбен играч Марк Гуеји, додека проверката на ВАР била фокусирана само на можен офсајд.
До кога ќе дишеме отровен воздух!? | Уште еден поткаст
„Повторно се случи”, рече Гвардиола по натпреварот. „Што да кажам? Марк е на топката, го удрија одзади и тоа е гол. Немам што да кажам. Уште еднаш иста приказна. Ако такво нешто им се случеше на нивниот напаѓач, ќе беше досуден пенал. Но, јас не сум судија. Фасцинантно е тоа во Премиер лигата”, додаде разочараниот тренер на Сити.
Гвардиола верува дека токму тој момент ја прекина играта. „Емоционален проблем се создаде по првиот гол кој судијата им го призна на Спарс. Потоа е тешко да се контролира замавот, така тоа оди тука во Англија.”
Учество во игри на среќа е дозволено за лица со 18+ години. Играј одговорно!