Аталанта бележи извонредни резултати во Серија А, што го потврди и преку убедлива победа против Парма со резултат 4:0 на својот стадион, New Balance Арена. Сепак, покрај спортските триумфи, клубот од Бергамо се соочи со непријатна ситуација што може да ги поттикне да ги преиспитаат нивните безбедносни протоколи.
Еден англиски навивач успеа на необичен начин да влезе нелегално на стадионот, а сиот подвиг го сними и објави на ТикТок.
До кога ќе дишеме отровен воздух!? | Уште еден поткаст
Овој видео клип, што во неделата го сподели корисникот под името Stanley_2110, стана вирален и покажува како навивачот без пречки влегува на стадионот со капацитет од 23.439 места.
Најфасцинантниот дел од приказната е начинот на кој го постигна тоа. Навивачот се приближил до влезот резервиран за клубскиот автобус и на безбедносната тастатура се обидел да ја погоди шифрата. Одлучил да ја внесе годината кога клубот е основан – 1907. За негова изненаденост, вратата веднаш се отвори и му овозможи влез на стадионот.
Во краткиот видеоклип долг 39 секунди, може да се слушне како вели: “Еве сме на стадионот на Аталанта, со планините во позадина. Ова е влезот за клубскиот автобус. Која е можната шифра? Кога е основан клубот? 1907.”
Откако вратите се отворија, низ насмевка иронично додаде: “Да, ова е високо ниво на безбедност, нема зборови!”
По оваа случка, нема сомнеж дека безбедносните кодови и процедури на стадионот ќе бидат изменети.
Овој навивач влезе на стадионот на Аталанта користејќи ја шифрата 1907, годината кога клубот е основан. 🇮🇹😭pic.twitter.com/3rLQ2QfclM
— CentreGoals. (@centregoals) 26 јануари, 2026
Учество во игри на среќа е дозволено за лица со 18+ години. Играј одговорно!