Готово: Џеко е пред потпис со новиот клуб!

Големо изненадување наскоро може да стане реалност. Според информациите на Sky Sport, Един Џеко се решил кариерата да ја продолжи во Германија, поточно во областа на Рур, каде што се очекува да потпише со Шалке.

Клучна улога во оваа одлука имале разговорите со тренерот Мирон Муслиќ, како и со репрезентативниот колега Никола Катиќ, а дополнително и интензивната комуникација со поранешниот играч на Шалке, Сеад Колашинац.

Трансферот сѐ уште не е финализиран бидејќи Фиорентина и Шалке треба да постигнат последен договор. Италијанскиот клуб има намера да го тргне искусниот напаѓач од платниот список, што дополнително ги зголемува шансите за брзо завршување на процесот.

Според Sky Sport, 39-годишниот Џеко моментално заработува над два милиони евра годишно во Фиорентина. И покрај фактот дека на 17 март ќе наполни 40 години, ‘Дијамантот’ оваа сезона не успеа да се наметне како стандарден играч во тимот од Серија А.

Во досегашниот дел од сезоната, Џеко одигра 18 натпревари во сите натпреварувања, собирајќи 722 минути на теренот и постигнувајќи два гола. Неговиот договор со Фиорентина истекува ова лето, што дополнително ја олеснува реализацијата на трансферот.

Доколку се постигне договор, Џеко би се вратил во Германија, каде што веќе остави длабока трага играјќи за Волфсбург.