Со секој изминат ден, сè сме поблиску до решението на идниот НБА проект во Европа, кој би можел да има далекосежни последици врз иднината на популарната игра на обрачите на Стариот континент.
Како што беше претходно најавено, денес во Лондон се одржа важен состанок за еден од најважните проекти во историјата на европската кошарка, и лицата кои се најдоа во британската престолнина во некоја мера покажуваат каде сè ќе оди.
До кога ќе дишеме отровен воздух!? | Уште еден поткаст
Познатиот кошаркарски портал “Јурохупс” откри дека на денешниот состанок присуствувале Панатинаикос, Баерн Минхен, Барселона, Реал Мадрид, Олимпија од Милано и AC Милан, како и берлинска Алба, за која од претходно се знаеше дека ќе биде еден од носителите на проектот најавен за следната година.
Сепак, порталот “Сити AM” фрла ново светло на целата приказна, истакнувајќи дека сопственикот на “Телеграф Медија Груп” и инвеститор во Ливерпул “РедБерд Капитал Партнерс” соработува со НБА на планови за покренување на европска кошаркарска лига.
Во таа врска, важно е да се истакне дека во нивна сопственост е и италијанскиот фудбалски великан Милан па не изненадува што денес на состанокот учествувале оперативците од овој клуб Гери Кардинале и Златан Ибрахимовиќ.
Двајцата денеска имаа можност да разговараат на состанокот и да го дадат своето видување за иднината на европската кошарка, а целиот состанок беше организиран за да се привлечат најголемите светски брендови во воспоставување на партнерства за идната лига.
Од претходно е познато дека Лондон и Манчестер заедно со Париз, Милано, Рим, Берлин и Минхен се предвидени за тимови во полузатвореното натпреварување, кое би имало 12 постојани членови и четири места отворени за квалификации секоја година.
Учество во игри на среќа е дозволено за лица со 18+ години. Играј одговорно!