Серафимов: Данска делува страшно, но ние ќе одиграме најдобро што можеме

Македонскиот репрезентативец Мартин Серафимов пред натпреварот против Данска кажа дека е јасно кој ќе биде фаворит во натпреварот, но нема лесно да се предадат.

Серафимов очекува тежок натпревар, но најави дека ќе одиграат најдобро што можат на теренот со цел да извлечат позитивен резултат.

„Данска е одличен противник, сите ракометари играат во врвни клубови и тоа, барем на хартија, делува страшно. Но, како што реков, ние излегуваме на терен за да одиграме најдобро што можеме. Кај нас нема калкулации и ако одиграме најдобро што знаеме, можеме да извлечеме добар резултат“, кажа Серафимов.