Некои српски медиуми денеска објавија изненадувачка вест дека трофејниот кошаркарски експерт Жељко Обрадовиќ (65) решил да се пензионира и ја заврши својата тренерска кариера.
Веста беше објавена на порталот Soccerbet и ја пренесоа бројни други медиуми.
Street Workout Macedonia – Движење што гради сила, карактер и издржливост | Уште еден поткаст
Како што се тврди, пријателите и семејството на популарниот Жоц му организирале прослава и забава по повод неговото заминување во пензија во родниот Чачак.
“Заврши! Најголемиот оди во пензија! Според сигурни извори, најблиските пријатели и семејството го организирале славјето за Жељко по повод пензионирањето во неговиот роден Чачак. Жељко Обрадовиќ е најтрофејниот европски тренер на сите времиња. Освои 49 трофеи, од кои девет во Евролигата,” пишува порталот Soccerbet.
Пред два месеца Обрадовиќ го напушти Партизан, каде што четири години беше тренер и му ја врати титулата шампион на регионалната АБА лига, која ја освои двапати.
Претходно ги водеше Фенербахче, Панатинаикос, Бенетон, Реал Мадрид и Ховентут, а беше и селектор на Србија и Црна Гора, како и на СР Југославија.
Со Панатинаикос постигна историски успеси, освојувајќи пет титули на Евролигата и претворајќи го атинскиот клуб во европски џин. Вкупно деветпати ја има освоено Евролига, што го прави најтрофејниот тренер во историјата на ова натпреварување.
Учество во игри на среќа е дозволено за лица со 18+ години. Играј одговорно!