Омерагиќ се сретна со еден од најуспешните македонски тренери!

Претседателот на Фудбалската федерација на Македонија, Масар Омерагиќ, оствари работна средба со реномираниот македонски фудбалски стручњак Влатко Андоновски.

Андоновски со години успешно ја гради тренерската кариера во Соединетите Американски Држави, каде што во моментов е на клупата на Канзас Сити, а во минатото беше и селектор на женската фудбалска репрезентација на САД.

Тој ја презеде селекторската функција во 2019 година и ја извршуваше до 2023 година, период во кој оствари значајни резултати и остави силен печат во американскиот фудбал.

Во рамки на средбата, Омерагиќ и Андоновски имаа срдечен разговор, а како симбол на меѓусебна почит си разменија и дресови.