Ибрахимовиќ за Модриќ: Не игра фудбал, тој е фудбал – погледнете ја само оваа фотографија

Легендарниот шведски фудбалер Златан Ибраимовиќ се изјасни за Лука Модриќ, и уште еднаш изрази големо почитување за сѐ што хрватскиот ветеран постигнал во светот на фудбалот.

Иако веќе има 40 години, Модриќ не покажува знаци на забавување, напротив, тој го води Милан во борбата за титулата во Италија. Во моментов, Милан е само на еден бод од лидерската позиција во Серија А.

Во текот на изминатите денови, во италијанскиот град Тренто се одржуваше Фестивал на спортот, каде што Ибраимовиќ беше еден од говорниците. Особено внимание привлекоа неговите зборови за Лука Модриќ.

„Модриќ е маестро. Кога тој влегува на терен, тој не игра фудбал, тој е фудбал. Има извонреден менталитет што го покажа по натпреварот на Милан и Наполи. Погледнете ја оваа фотографија, она кажува сѐ”, изјави Ибраимовиќ и ја покажал фотографијата на Модриќ како го слави триумфот на коленици по победата над Наполи.

👏 Zlatan Ibrahimović: “Modric is a maestro. When he enters the pitch, he does not play football, he is football. He has a great mentality as he showed after #MilanNapoli… look at this photo, it speaks for itself.” ❤️🖤pic.twitter.com/G6RoHSb7i2

— SempreMilan (@SempreMilanCom) December 30, 2025

На таа фотографија, иако е ветеран што освоил сѐ што може да се освои и станал најтрофејниот играч во историјата на Реал Мадрид, се гледа како Модриќ слави една „обична“ победа над Наполи.

Luka Modrić:

“The level of Serie A is very high. In other major leagues, there aren’t as many strong teams as here – Juventus, Inter, Napoli, Lazio, Roma… Every match is a challenge.

Madrid’s Bernabéu will always be a special place for me, but San Siro has its own magic, it’s… pic.twitter.com/U17ZVcklL8

— TheCroatian (@TheCroatian_) October 22, 2025

На теренот во тој момент во дресот на Милан, сите играчи беа помалку трофејни од Модриќ, но никој така емотивно не го славеше триумфот како хрватскиот фудбалер, со што уште еднаш покажа врвен менталитет на шампион.