Фенербахче не се шегува: Со 40 милиони евра тргнува по фудбалер на Интер

Фратези има важечки договор со Интер до јуни, 2028 година.

Италијанските медиуми информираат дека турскиот клуб Фенербахче е подготвен да понуди 40 милиони евра за 26-годишниот Давиде Фратези, играчот за врска на миланскиот Интер.

Оваа зима, Фенербахче планира да ги засили своите редови со играч кој во кариерата има одиграно 33 натпревари за италијанската репрезентација и постигнато осум голови, но кој оваа сезона има помала минутажа во Интер.

Претходно за него имаше интерес првенствено Јувентус, а потоа и Наполи и Рома, но Интер претпочита да го продаде во странство наместо да го зајакне еден од конкурентите во италијанската Серија А.

Во претходните натписи беше споменато дека Интер би бил задоволен и со понуда од 35 милиони евра, а предложената сума од страна на турскиот клуб би била позитивно прифатена на Сан Сиро. Интер моментално е лидер во италијанската Серија А, додека Фенербахче е втор на табелата во турската Суперлига, со три бода помалку од водечкиот Галатасарај.

Фратези ја започна својата професионална кариера во Сасуоло, а потоа беше на позајмици во Асколи, Емполи, Монца и Интер, каде што од 2024 година стана дел од тимот.

Со Интер има важечки договор со Интер до јуни, 2028 година.