Ливерпул сака да го замени Исак со напаѓач за кој ПСЖ плати 80 милиони евра!

Ливерпул има намера да го обезбеди напаѓачот Гонзало Рамош од Пари Сен-Жермен на шестмесечна позајмица како брзо решение додека Александер Исак закрепнува од сериозната повреда на фибулата.

Исак доживеа значајна повреда кога ја скрши фибулата за време на победата над Тотенхем и беше подложен на хируршка интервенција, без точно одредено враќање на теренот.

Според информации од британските медиуми, во Ливерпул се разгледуваат неколку високопрофилни напаѓачи, а Рамос се појавува како потенцијално засилување за офанзивната линија.

Клубот од Енфилд го гледа 24-годишниот Португалец како играч кој брзо би се вклопил и би донел енергија и инстинкт за голови.

Рамос пристигна во ПСЖ за сума од 80 милиони евра и е под договор со актуелниот првак на Франција сè до летото 2028 година.

🚨 Ливерпул сака да го ангажира Гонсало Рамос на позајмица како краткорочно решение за замена на Александар Исак, открива @caughtoffside. pic.twitter.com/nKsyBHp8MV

— Diário de Transferências (@DTransferencias) 26 декември, 2025

Во дресот на ПСЖ, Рамош постигна 42 гола и забележа девет асистенции во 109 настапи на сите натпреварувања.

На Португалецот не му е загарантирана почетна позиција кај тренерот Луис Енрике, што би можело да ја олесни неговата можна заминување.

Ливерпул се надева дека Рамош би можел да донесе стабилност во нападот додека останатите напаѓачки играчи се рехабилитираат.

„Црвените“ се свесни дека зимскиот трансфер период ќе биде клучен за нивните амбиции во Премиерлигата и Европа.

Сè уште не е потврдено дали клубот започнал преговори со ПСЖ во однос на трансферот.