Кристенсен „надвор“ до крајот на сезоната, Барселона експресно најде најдобра можна замена

Барселона потврди дека Андреас Кристенсен претрпе незгодна повреда на коленото за време на тренинг пред натпреварот со Виљареал, и дека за него сезоната веројатно заврши. Очекувањата се дека Каталонците во јануари ќе бараат засилување во одбраната и се чини дека веќе е јасно кого ќе доведат.

Барселона вчера на гостување успеа да го победи Виљареал со 2:0, но пред средбата од каталонскиот клуб соопштија дека Кристенсен не е во составот бидејќи претрпе потешка повреда.

Данецот се врати во форма и почна да игра, но на последниот тренинг пред патувањето за Виљареал претрпе тешка повреда на коленото поради што за него оваа сезона е речиси сигурно завршена.

Иако со Барса се поврзуваат неколку имиња, како што изгледа, веќе е јасно дека тие ќе го доведат.

Станува збор за Иниго Мартинез кој игра за Ал Наср во кој пристигна ова лето токму од Барселона. Неговото отсустување се чувствува, и Флик е заинтересиран да се обиде да го врати искусниот Шпанец.