Барселона се соочи со нова сериозна криза пред продолжението на сезоната, откако данскиот репрезентативец Андреас Кристенсен доживеа тешка повреда на коленото, што значи дека ќе го чека подолга пауза.
Искусниот дефанзивец се повреди за време на еден од последните тренинзи, кога почувствува силна болка во левото колено по еден незгоден потег и веднаш мораше да го напушти теренот.
Воздухот што нè убива: Зошто Скопје е меѓу најзагадените градови?
Кристенсен не отпатува со тимот за последниот натпревар во лигата, при што деталните медицински прегледи открија делумна руптура на предниот вкрстен лигамент.
Иако повредата не бараше итна операција, лекарскиот тим на Барселона се одлучи за конзервативен пристап во лекувањето, што подразбира долг и внимателен процес на рехабилитација.
Предвидувањата се дека опоравувањето би можело да трае меѓу три и четири месеци, а во најлош случај дури и подолго, што сериозно би можело да ја загрози неговата минутажа до крајот на сезоната.
Ова претставува дополнителен проблем за тренерот Ханси Флик, кој веќе има ограничени опции во дефанзивната линија, што повторно го става во центар внимание прашањето за одбраната на Барселона.
Кристенсен оваа сезона беше клучен дел од ротацијата, особено во важните натпревари. Во тековната сезона настапи во домашната лига, Лигата на шампионите и купот, но повторно е стопиран поради повредите.
Споредено со минатото, данскиот репрезентативец и претходно се соочуваше со проблеми поврзани со физичката подготвеност, што сега дополнително ја комплицира неговата улога во клубот.
Неговиот договор со Барселона важи до летото 2026 година, а се почесто се покренува прашањето како клубот долгорочно ќе ја планира својата одбранбена линија.
Во меѓувреме, каталонскиот гигант можеби ќе мора веќе во зимскиот трансфер период да реагира за да го замени отсуството на еден од најдоверливите дефанзивци.
Учество во игри на среќа е дозволено за лица со 18+ години. Играј одговорно!