Лампард направи хаос, фудбалери го бркаа на теренот (Видео)

Легендарниот англиски фудбалер денес тренер, Френк Лампард предизвика вистинска бура по нерешениот резултат на неговиот Ковентри против Саутемптон на Сент Мери, и тоа поради начинот на кој го прослави освоениот бод пред домашните навивачи.

Премиерлигашката легенда беше видно задоволна што неговиот тим успеа да дојде до крајот на натпреварот со 1-1 иако играше со играч помалку уште од 47. минута.

Еуфоријата на Лампард се претвори во енергично стегната тупаница и подигнат палец горе, гест кој очигледно беше упатен кон домашните навивачи. 

Во текот на натпреварот, Саутемптоновата публика навредувачки му дофрлаше, па дури и користеше вулгарности, што веројатно дополнително ја распали атмосферата.

Првиот кој се стрча да се конфронтира со Лампард беше напаѓачот на Саутемптон, Лео Сијенца. Брзо се приклучија играчи и членови на стручните штабови од двете екипи, па теренот стана сцена на турканици и конфликти.

Во срцето на инцидентот се најде и англискиот репрезентативец Тејлор Харвуд-Белис, кој му пријде на Лампард и му се внесе во лице додека ситуацијата стануваше се понапната со секоја секунда.

Играчите на Саутемптон беа лутини на Френк Лампард, некои дури го прогонуваа по свирежот. Сцени 🥲pic.twitter.com/wXWWynb7ey

— Goals Side (@goalsside) December 20, 2025