„Зовре“ атмосферата во Милан: Залудно „фрлија“ 55 милиони на засилувања, бараат нови двајца фудбалери

По испаѓањето од Купот од Лацио, Милан го изгуби и вториот трофеј сезонава, бидејќи беше поразен од Наполи со резултат 2:0. Тoj пораз можеби од резултатска перспектива не е толку важен бидејќи многумина не го сметаат Суперкупот за најважно натпреварување, но е важен од финансиска страна.

Остана само Скудетото.

Шансите на Милан не се големи, но постојат, и за да се освои трофејот потребно е во јануарскиот преоден рок да се направат вистински избори, иако несомнено дека во летниот преоден рок имаше грешки од страна на управата на клубот.

Проблемот е што е потребен уште еден квалитетен стопер, како и класична „деветка“, некој кој ќе ја искористи брзината и квалитетот на Рафаел Леао кој, се чини, копнее по играч со висок квалитет во нападот.

Дали е Фулкруг решението?

Тешко, иако се чини дека тоа ќе се случи во јануари. Нкунку е промашување, и тоа очигледно, а беше платен 37 милиони евра, а кога ќе ја погледнете куповината на Наполи кој го зеде на позајмица Хојлунд и има опција за откуп за 44 милиони, ви е јасно кој подобро тргувал.

Другиот кој подфрли е Де Винтер, платен 18 милиони летоска, па јасно е зошто во Милано луѓето пред се укажуваат на себе и на своите купувања…