Флик и Барселона не се единствените кои имаат „крт“ во соблекувалната, ист проблем има и Аморим во Јунајтед

Манчестер Јунајтед се соочува со сериозен внатрешен проблем кој би можел да има долгорочни последици за резултатите и стабилноста на клубот.

Според пишувањето на британскиот весник “Мирор”, управата на клубот е решена да го најде изворот на истекот на информации во нивните редови.

Сомнежите се појавија по последниот натпревар, кога одредени тактички детали се најдоа во рацете на ривалите.

Конкретно, промената на улогата на Диого Далот не треба да биде позната надвор од клубот пред самиот почеток на натпреварот.

Португалецот за тој меч беше вратен на класичната позиција десен бек, што беше тактичка одлука на стручниот штаб.

Сепак, информациите за таа промена наводно стигнале до противничкиот тим пред состанокот.

Тоа дополнително ги зголеми сомнежите дека во соблекувалната или во потесниот круг на клубот постои „крт“.

Рубен Аморим наводно особено е загрижен поради оваа ситуација. Португалецот сака целосна контрола над информациите и доверба во екипата, што го смета за клучно за успех.

Овој случај ја потсети фудбалската јавност на слични проблеми со кои неодамна се соочуваше Барселона под водство на Ханси Флик.

Во двата случаи, истекот на информации го нарушува авторитетот на тренерот и им дава предност на противниците.