Напаѓачот на Франција и ПСЖ, Усман Дембеле, е прогласен за најдобар играч на светот за 2025 година од страна на ФИФА.
Улични кучиња: Системски или човечки проблем? | Уште еден поткаст
Минатата сезона, со Пари Сен Жермен, Дембеле го освои француското првенство, францускиот Куп и Суперкуп, како и трофејот од Лигата на шампионите. Тој исто така стигна до финалето на Светското клупско првенство со францускиот гигант.
Минатата сезона, 28-годишниот напаѓач одигра 53 натпревари во сите натпреварувања, постигнувајќи 35 гола и запишувајќи 16 асистенции.
Аитана Бонмати, пак, е избрана за најдобра фудбалерка трета година по ред.
За најдобар голман беше прогласен Италијанецот Џанлуиџи Донарума, кој освои четири трофеи со ПСЖ. Во женска конкуренција, голманката на Англија и Челзи, Хана Хемптон, беше прогласена за најдобра . Младата Англичанка го освои домашниот трој и Европското првенство за жени.
Наградата „Ференц Пушкаш“ за најубав гол на годината му припадна на Аргентинецот Сантијаго Монтиел од Индепендиенте за неговиот гол од 20 метри против Индепендиенте Ривадавија.
Your #TheBest FIFA Football Awards 2025 winners! 🏆 pic.twitter.com/tc95npfpyi
— FIFA World Cup (@FIFAWorldCup) December 16, 2025
Учество во игри на среќа е дозволено за лица со 18+ години. Играј одговорно!