Навивачите на Манчестер Јунајтед жестоко ги нападнаа Аморим и ѕвезда на клубот по срамот на „Олд Трафорд“

Навивачите на Манчестер Јунајтед веќе им е доста од сè и решија целата своја лутина да ја изразат на социјалните мрежи по ремито против Вест Хем Јунајтед.

Синоќа Манчестер Јунајтед на Олд Трафорд го пречека Вест Хем Јунајтед, и се надеваа дека ќе направат втора последователна победа во Премиер лигата:

Минатата недела Манчестер Јунајтед славеше на гости кај Кристал Палас со 2:1 на Селхурст Парк.

Од друга страна, Вест Хем беше поразен на свој терен со 2:0 од Ливерпул.

Првото полувреме на натпреварот што се одигра синоќа на Олд Трафорд беше многу лошо и имаше многу малку шанси на двете страни.

Во второто полувреме домаќините тргнаа по гол, и во 58-та минута стигнаа до предност, а голот го постигна Диого Далот.

Сепак, Вест Хем го „запечати“ Олд Трафорд во 84-та минута кога голот за 1:1 го постигна Соунгутоу Магаса.

„Чеканите“ издржаа до крајот на натпреварот и зедоа бод од Олд Трафорд, а домашните навивачи повторно разочарани си заминаа дома.

Веднаш, се разбира, навивачите на Манчестер Јунајтед ги окупираа социјалните мрежи, и го „нападнаа“ Аморим бидејќи го внесе Угарте наместо Куња во 77-та минута од натпреварот.

„Секој пат кога Угарте влегува на терен, примаме гол.“