НАПАЃАЧОТ на Ливерпул, Мохамед Салах, повторно е предмет на дискусија на социјалните мрежи откако беше фотографиран на натпреварот против Сандерленд (1:1) завиен со капуљача и шал, до тој степен што скоро беше невозможно да се препознае. Сликата на Египќанецот брзо се рашири на интернет, предизвикувајќи низа шеги од навивачите, а многу од нив коментираа дека и самиот Салах изгледа како да не може повеќе да ја гледа играта на својот тим.
Тренерот Арне Слот потврди дека Салах не бил задоволен поради дополнителното останување на клупата против Вест Хем, но нагласи дека се однесувал професионално. Сепак, тоа не беше доволно да се врати во почетниот состав три дена подоцна. Холандскиот стратег се одлучи за Доминик Сабослај на десното крило, првенствено поради неговиот придонес во одбраната.
Екранизација, задоцнет развој, аутизам, инклузија – што треба да знаат родителите
“Во првото полувреме игравме со Сабослај десно за да бидеме поцврсти во одбраната и да не примиме толку голови како изминатите недели”, изјави Слот. Ливерпул до заминувањето на Салах на Африканскиот куп на нации ги очекуваат уште три натпревари. Два во Премиер лигата и еден во Лигата на шампионите, што може да биде олеснителна околност за двете страни и можност Салах да ја врати вистинската форма облечен во репрезентативниот дрес.
Слот не сакаше да открие дали Салах ќе почне во следниот меч против Лидс в сабота. “Сè уште не сум размислувал како ќе играме против Лидс. Имам идеја кој ќе започне, но тоа нема да го кажам”, рече Слот. Оваа сезона, Салах има постигнато четири гола во Премиер лигата.
Учество во игри на среќа е дозволено за лица со 18+ години. Играј одговорно!