Тренерот на Манчестер јунајтед, Рубен Аморим, денес изјави дека намерно се дистанцира од социјалните мрежи за да ги избегне навредливите и насилни коментари, кои според истражувањето на Би-Би-Си, стануваат сѐ почести во англискиот фудбал.
Анализата што ја спроведе Би-Би-Си во соработка со компанијата “Signify” покажа дека за време на еден викенд од Премиер лигата биле објавени повеќе од 2.000 екстремно навредливи пораки упатени кон тренерите и играчите. Главни цели биле токму Аморим, тренерот на Ливерпул, Арне Слот, и менаџерот на Њукасл Еди Хау.
Екранизација, задоцнет развој, аутизам, инклузија – што треба да знаат родителите
“Не го читам тоа, се заштитувам себеси. Не гледам ни телевизија кога станува збор за Манчестер јунајтед, не затоа што не се согласувам, најчесто се согласувам, туку поради сопственото ментално здравје,” рече Аморим.
Додаде дека неговиот сопствен осет за работа е доволно мерило.
“Осетот како тренер ми е доволен, не ми требаат дополнителни коментари. Единствениот начин да останам здрав е да се заштитам,” рече тој.
Учество во игри на среќа е дозволено за лица со 18+ години. Играј одговорно!