Манчестер Сити во неверојатен натпревар од 14. коло на Премиер лигата го совлада Фулам со 5:4 на гости. “Граѓаните” ги обезбедија трите бода благодарение на головите на Ерлинг Халанд, Тијани Рејндерс, Фил Фоден (двапати) и автоголот на Сандер Берге. За Фулам прецизни беа Емил Смит Роу, Алекс Ивоби и двапати Самуел Чуквуезе.
Никој не очекуваше таква драма на теренот откако Сити поведе со 3:0 по 44 минути игра. Халанд го отвори резултатот во 17. минута благодарение на асистенцијата од Џереми Доку, а само 20 минути подоцна самиот асистираше на голот на Рејндерс. Првата половина од натпреварот ја заокружи Фоден со прекрасен гол од работ на казнениот простор. Фулам се врати во игра преку Смит Роу кој постигна гол во втората минута од судиското надополнување на првиот дел.
Екранизација, задоцнет развој, аутизам, инклузија – што треба да знаат родителите
Екипата на Пеп Гвардиола постигна два нови гола во првите 10 минути од второто полувреме, доведувајќи до убедливи 5:1. Фоден повторно беше меѓу стрелците со асистенција на Халанд во 48. минута, додека Берге постигна автогол шест минути подоцна. Се чинеше дека исходот е запечатен.
Сепак, Фулам, предводен од нивните нигериски играчи, потполно го заплетка финишот на мечот. Прво Алекс Ивоби постигна гол во 57. минута, а потоа Самуел Чуквуезе, кој влезе од клупата при полувремето, постигна голови во 72. и 78. минута, приближувајќи го резултатот до 4:5.
Во лудиот финиш, Фулам се обиде да израмни, но одбраната на Сити издржа и го обезбеди вториот по ред триумф во Премиер лигата.
Со оваа победа, Сити го зголеми својот бодовен учинок на 28 и се доближи до Арсенал на само два бода заостнување, но со одигран повеќе натпревар. Фулам остана на 15-тото место со 17 бодови.
Учество во игри на среќа е дозволено за лица со 18+ години. Играј одговорно!