Милан ги откри плановите за нови договори на Мењан и Модриќ

Спортскиот директор на Милан Игли Таре ја коментира ситуацијата со договорите на двајца од клучните играчи на тимот – Мајк Мењан и Лука Модриќ.

Договорот на голманот истекува на крајот од сезоната, истото важи и за договорот на играчот од средниот ред, но со таа разлика што во неговиот договор има вклучена опција за уште една година.

„Мајк се снаоѓа одлично, како што и очекувавме. Тој има фантастична сезона, и пред почетокот на кампањата постигнавме договор со него, така што засега нема притисок меѓусебен, како што и се договоривме. Што се однесува до Модриќ, ги анализиравме резултатите од минатата сезона многу внимателно и се обидовме да привлечеме играчи кои имаат силен карактер и можат да имаат влијание врз овој состав. Неговото влијание е огромно, бидејќи тој се радува на фудбалот како дете и исто така се подготвува за секој натпревар со манијакално внимание на секој детал. Се надевам дека така ќе продолжи да игра. Тој има опција за уште една година, но заедно ќе одлучиме за тоа со спокојство и без притисок,“ коментираше Таре пред DAZN.