Голем скандал: Поранешен возач во Формула 1 уапсен во Германија поради измама!

Поранешниот возач на Формула 1, Адриан Сутил, беше приведен во голема меѓународна рација што ја организираше германската полиција.

Според извештаите на весникот “Билд”, Сутил, кој некогаш возеше за “Заубер”, сега е предмет на истрага за наводни измами и проневери во кои бил вмешан.

WHAT 🤯😮

Former Formula 1 driver Adrian Sutil has been ‘arrested in an INTERNATIONAL RAID’ on suspicion of fraud AND embezzlement 🤯

Surely Force India don’t pay THAT badly 🤣 pic.twitter.com/yCNgo2Y52L

— Formula God (@formula1god) November 28, 2025

Обвинителството во Штутгарт потврди дека во соработка со Криминалната полиција на Баден-Виртемберг спровеле рации на неколку недвижности.

Сутил досега не дал јавно изјава за обвиненијата, а конкретните обвинувања против него остануваат непознати.

Покрај тоа, Сутил во минатото се соочуваше со законски проблеми, кога во 2011 година беше осуден на 18 месеци условна казна за нанесување на тешки повреди на директорот на “Лотус”, Ерик Лукс, со стакло.

Тоа дело го принуди да ја напушти Формула 1, но се врати во спортот во 2013 година како дел од тимот на “Форс Индија”.

Исто така, пред пет години, меѓународните медиуми објавија дека суперколата “Мекларен”, која чинела 1,5 милиони евра и била во сопственост на Сутил, била уништена во Монако.

Сутил беше дел од Формула 1 од 2007 до 2014 година, а неговиот најдобар резултат беше четвртото место на Големата награда на Италија во 2009 година. Тој исто така го држи рекордот за најмногу стартови без освојување на подиум, дури 128 пати.