Партизан се подготвува за продолжение без Обрадовиќ – познат е новиот тренер!?

Кошаркарите на Партизан во сабота ќе одржат редовен тренинг, но на него нема да биде присутен Жељко Обрадовиќ.

Во денот кога требаше да знаеме дали тој останува или не на клупата на црно-белите, животот за остатокот од колективот продолжува во истиот ритам.

Во 11 часот беше закажан состанок на Управниот одбор на клубот на кој требаше да биде донесена конечната одлука, но беше одложен за почетокот на наредната недела, со што се продолжи сагата околу останувањето на Обрадовиќ.

Во меѓувреме, кошаркарите на Партизан се подготвуваат за продолжение на сезоната во АБА и Евролигата. Црно-белите во четврток ги очекува натпревар против Баерн, а за време на викендот ќе ги одмерат силите против Клуж.

Пред овие натпревари, екипата во текот на денот ќе одржи тренинг кој ќе го водат помошниците. Таму нема да биде Жељко Обрадовиќ, кој се врати од Атина во Белград, но не работи со екипата додека не се расчисти ситуацијата.

Како што пренесуваат извори блиски до клубот, искусниот тренер не беше ниту планиран за состанокот на УО, па одложувањето најверојатно е потег да се добие време да се оладат главите и се створат услови за повторно да се седне зад маса.

До тогаш Владa Андроиќ, Џозеп Марија Искиердо Мирко Оцокољиќ и Александар Матович (кој ќе биде главен одговорен бидејќи е најдолго во клубот) ќе го водат тимот.