Мурињо за 90 милиони носи две засилувања во Манчестер Јунајтед

Манчестер Јунајтед најверојатно ќе добие две големи засилувања, едно во јануари, а друго на лето. Интересно е тоа што и двата играчи се од Бенфика.

Британските медиуми тврдат дека Јунајтед во јануари ќе се обиде да го донесе централниот играч за врска, Пици, а за 28-годишниот Португалец англискиот гигант ќе мора да плати 45 милиони евра.

Освен него, на „Олд Трафорд“ следното лето би требало да пристигне и десен крилен играч, исто така 28-годишен, Едуардо Салвио. За него португалскиот тим би требало да добие околку 41 милион евра.

Манчестер Јунајтед по 11 одиграни кола во англиската Премиер лига се наоѓа на втората позиција, зад лидерот Манчестер Сити кој има плус осум бода.