Арсенал вчера запиша импресивна победа во градското дерби против Тотенхем, совладувајќи го лутиот ривал со резултат 4:1.
Иако големата победа против Спарс сама по себе е причина за славење, навивачите на Арсенал имаат уште еден мотив за радост. Според најновите информации, клубот е многу блиску до склучување нов долгорочен договор со една од своите најголеми ѕвезди – Букајо Сака.
Од лозје до чаша: Уметноста на виното со Теодор Бојаџиев | Уште еден поткаст
Како што пренесува Фабрицио Романо, преговорите помеѓу Арсенал и Сака влегоа во завршна фаза. Двете страни задоволно го привршуваат процесот кој треба да осигура дека талентираниот крилен напаѓач ќе остане во клубот до јуни 2030 година.
Сака веќе години наназад е еден од клучните играчи на тимот. Неговиот развој од академски скапоцен камен до еден од најдобрите млади фудбалери во светот го следеа со гордост сите навивачи на Арсенал. Затоа, веста за скоро потпишување на новиот договор беше пречекана со големо задоволство.
Учество во игри на среќа е дозволено за лица со 18+ години. Играј одговорно!