На вчерашниот дуел меѓу Шкендија Арачиново и Брегалница се случи сериозен инцидент, при што редар покрај теренот физички го нападна еден од играчите на гостинскиот тим. Денес МВР излезе со информација дека напаѓачот е приведен.
Настанот се случил веднаш по крајот на првото полувреме, кога атмосферата се вжешти откако Брегалница израмни на 1-1. Човекот од Арачиново, според информациите од МВР, влетал на тревникот и го удрил фудбалерот на гостите.
До кога ќе дишеме отровен воздух!? | Уште еден поткаст
„На 21.11.2025 во 13:50 часот на стадион „Фортуна“ во Скопје, полициски службеници од СВР Скопје го приведоа Ш.А.(36) од с.Арачиново, скопско, затоа што за време на фудбалски натпревар помеѓу екипите на ФК „Шкендија 77“ и ФК „Брегалница“ физички нападнал играч на ФК „Брегалница“. По целосно документирање на случајот, ќе следува соодветен поднесок“, информираа од МВР.
Да потсетиме, по краткиот прекин и по смирувањето на ситуацијата, играта продолжи, а Брегалница на крајот дојде до триумф со 2-1.
Учество во игри на среќа е дозволено за лица со 18+ години. Играј одговорно!