При неговата посета на Белата куќа во вторник, Кристијано Роналдо доби редок подарок – клуч со претседателскиот печат и натпис “Клуч на Белата куќа”, дар кој Доналд Трамп го доделува само на највлијателните гости.
Зошто проблемот со улични кучиња СÈ УШТЕ постои? | Уште еден поткаст
Фотографии кои го обиколија светот го прикажуваат Роналдо со неговата партнерка Георгина Родригез и претседателот на САД, држејќи декоратнивна кутија со подарокот в раце.
Објавата на Инстаграм, која собра речиси 20 милиони лајкови, предизвика голема заинтересираност во јавноста.
“Благодарам господине претседателе за поканата и топлото добредојде кое го приредивте за мене и мојата сопруга. Сите имаме што да понудиме, и јас сум подготвен да допринесам за поттик на новите генерации да градат иднина обележана со храброст, одговорност и трајен мир”, напиша Роналдо под објавата.
Иако повеќе од десет години не стапнал во САД поради тужбата поднесена од манекенката Кетрин Мајорга, Роналдо и претходно јавно го фалеше Доналд Трамп.
Минатото лето му испрати дрес со посвета, а во интервјуто дадено на британскиот новинар Пиерс Морган изјави:
“Тој е меѓу луѓето кои можат да го променат или помогнат да се промени светот. Мојата цел е да го запознаам Трамп и да разговараме за светскиот мир. Ако се отвори можност, би сакал да седнеме заедно”, рече тој.
Роналдо сега го оствари тој состанок, а има шанса да игра и во 2026 на американско тло, кога САД заедно со Мексико и Канада ќе бидат домаќини на Светското првенство.
Учество во игри на среќа е дозволено за лица со 18+ години. Играј одговорно!