Американскиот професионален кошаркарски НБА тим Сан Антонио Спарс ќе биде без својот најдобар играч, францускиот центар Виктор Вембањама, најмалку две недели поради повреда на листот на левата нога.
Првиот пик од драфтот во 2023 година, Вембањама, го пропушти натпреварот против Сакраменто Кингс во неделата, што го добија Спарс со резултат од 123:110. Со оваа победа, тие достигаа до скор од 9:4 и петтото место во Западната конференција.
Од лозје до чаша: Уметноста на виното со Теодор Бојаџиев | Уште еден поткаст
Според американските медиуми, Спарс ќе се однесуваат со големо внимание кон оваа повреда на Вембањама. „Во последно време низ лигата видовме дека повредите на листот не треба да се потценуваат. Не сакаме да ризикуваме ништо“, изјави тренерот на Спарс, Мич Џонсон.
Оваа сезона, Вембањама има просек од 26,2 поени, 12,9 скокови, 4,0 асистенции и 3,6 блокади по натпревар. Минатата сезона, високиот Французин од 224 сантиметри, поради проблеми со венска тромбоза во десното рамо, одигра само 46 натпревари.
Учество во игри на среќа е дозволено за лица со 18+ години. Играј одговорно!