Фудбалерите на Барселона конечно ќе се вратат на легендарниот стадион Камп Ноу, а каталонскиот клуб го објави датумот на првиот натпревар на новои реновираниот стадион.
Имено, Каталонците потврдија дека ќе се вратат на Камп Ноу на 22 ноември, играјќи против Атлетик.
„Без вино, животот би бил…“ – искрен разговор со енологот Теодор Бојаџиев
Гигантот од Каталонија не одиграл натпревар на Камп Ноу од 2023-та година, вкупно 895 дена, поради големото реновирање вредно 1,42 милијарди евра. За времетраење на работите, домашните натпревари ги играа на Олимпискиот стадион во Барселона.
Клубот доби лиценца за привремен капацитет од 25.991 седишта во октомври, но чекаше уште две дозволи. Првата дозвола овозможува прифаќање до 45.000 гледачи и е веќе добиена, додека втората ќе овозможи целосно отворање на стадионот.
Работите сè уште се во тек, со третото ниво на трибините и покривот што допрва треба да се завршат. Првите две нивоа се речиси подготвени, а се очекува целиот проект да биде готов до 2027 година, кога Камп Ноу ќе има капацитет од 105.000 места.
Барселона првично планираше да се врати до крајот на 2024 година, а потоа на почетокот на 2025, но враќањето е преместено за оваа сезона. Првите два домашни натпревари мораа да ги играат на стадионот Естади Јохан Кројф со капацитет од 6.000 места, бидејќи Олимпискиот стадион тогаш не беше спремен за употреба.
Учество во игри на среќа е дозволено за лица со 18+ години. Играј одговорно!