Јута броеше до 150, Марканен брутален, но сите зборуваат за потегот на Нуркиќ од втората четвртина (Видео)

Кошаркарите од Јута по продолжението постигнаа победа против Чикаго Булс во натпревар во кој постигнаа дури 150 поени.

Првата четвртина беше апсолутно изедначена, и ниту една екипа не успеа да направи предност.

Вториот период од играта му припадна на гостите, кои на паузата заминаа со водство од девет поени разлика.

Именно во втората четвртина, Јусуф Нуркиќ направи ново феноменално додавање кое привлече внимание и за кое сите зборуваат.

Во третата четвртина, Јута успеа да ја намали предноста на Чикаго на четири поени разлика и се знаеше дека последната четвртина ќе донесе многу возбудувања.

Токму така и беше, а натпреварот заврши нерешено, и се отиде во продолжение.

Таму со 150:147 поени подобри беа кошаркарите од Јута, кои така постигнаа победа.

Неверојатниот Марканен ја водеше својата екипа до победа, постигнувајќи 47 поени, и имаше седум скокови и две асистенции.

Јусуф Нуркиќ имаше скромна партија кога станува збор за поени, бидејќи постигна само пет, но имаше 14 скокови и пет асистенции.

Your nightly Jusuf Nurkic dime pic.twitter.com/liwnvHPCzJ

— Jazz Lead (@JazzLead) November 17, 2025