Kапитенот на фудбалската репрезентација на Франција, Килијан Мбапе, и неговиот соиграч од Реал Мадрид, Едуардо Камавинга, нема да играат против Азербејџан во натпреварот од последното коло на Група Д од квалификациите за Светското првенство 2026 година.
– Камавинга има истегнување на мускулот на левата тетива. Мбапе сè уште страда од воспаление во десниот скочен зглоб, што бара понатамошни испитувања. Тие денеска ќе бидат подложени на нови тестови во Мадрид – стои во соопштението на Фудбалскиот сојуз на Франција.
До кога ќе дишеме отровен воздух!? | Уште еден поткаст
Со победата над Украина (4:0) во четвртокот навечер, Франција стана 29-та репрезентација што обезбеди пласман на Мундијалот, кој следното лето ќе се игра во САД, Мексико и Канада.
Во победата против Украинците Мбапе постигна два гола, а бидејќи неделниот меч во Азербејџан нема натпреварувачко значење, селекторот Дидие Дешан му даде одмор.
Учество во игри на среќа е дозволено за лица со 18+ години. Играј одговорно!